…zum Geburi ❤

Hüt isch en bsundrige Tag für dich und ich chan nid persönlich an dinere Siite sii, wie bis ez jedes Johr! Sit du am 31. Dezember 1989 uf d’Welt cho bisch, bin ich an dinere Siite und du an minere und für das bin ich unendlich dankbar! Au wenn ich momentan ganz wiit weg bin, bin ich im Herze immer ganz nöch bi dir und möcht dir mit mim „Gschenkli“ zeige und sägä, wie unglaublich wichtig du für mich bisch!

Ich bin sehr, sehr stolz uf dich und so froh, dass ich dich nid nur als mini Schwöster, sondern au als mini beschti Fründin dörf zähle! Für din hütige Geburi wünsch ich dir nur s’Beste, unglaublich viel Glück, Kraft und Erfolg und viel Liebi uf dim wiitere Lebesweg.

Ab morn dörfsch jede Morge eis vo de nöchste 31 Bildli wo erschined – wie sone Art „Adventskalender“ – öffne, bis mir üs wieder gsehnd und ich möchte dir mit dem zeige, wie viel du mir bedütisch!

Han dich unendlich lieb,
dini „gross“ Schwöster Daniela